ಹೊಸನಗರ :ಮಾರುತಿಪುರ ಶಾಲೆ ಅಥ್ಲೆಟಿಕ್ಸ್ ವಿಭಾಗದಲ್ಲಿ ಅತ್ಯುತ್ತಮ ಸಾಧನೆ!! ಜಿಲ್ಲಾ ಮಟ್ಟಕ್ಕೆ ಆಯ್ಕೆ!!

ಹೊಸನಗರ :ಹೊಸನಗರ ತಾಲೂಕು ಮಾರುತಿಪುರ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಮಾರುತಿಪುರ ವಿದ್ಯಾರ್ಥಿಗಳು 14ವರ್ಷ ಒಳಗಿನ ಅಥ್ಲೆಟಿಕ್ಸ್ ವಿಭಾಗದಲ್ಲಿ ಅತೀ ಉತ್ತಮ ಪ್ರದರ್ಶನ ನೀಡುವ ಮೂಲಕ ಜಿಲ್ಲಾ ವಿಭಾಗೀಯ ಮಟ್ಟದ ಸ್ಪರ್ಧೆಗೆ ಅರ್ಹತೆ ಪಡೆದಿದ್ದು ಹೊಸನಗರ ತಾಲೂಕು ಹಾಗೂ ಮಾರುತಿಪುರ ಶಾಲೆ ಗರಿಮೆ ಹೆಚ್ಚಿಸಿದ್ದಾರೆ..

ದಿನಾಂಕ 28/09/2024 ರಂದು ಹೊಸನಗರದ ನೆಹರೂ ಕ್ರೀಡಂಗಣದಲ್ಲಿ ನೆಡೆದ 14 ವರ್ಷ ವಯೋಮಿತಿಯೊಳಗಿನ ಕ್ರೀಡಾಕೂಟದಲ್ಲಿ, ಹಿರಿಯ ಪ್ರಾಥಮಿಕ ಮಾರುತಿಪುರ ಶಾಲೆಯ ಪ್ರೀತಮ್ ಆರ್ ಎನ್ ಎತ್ತರ ಜಿಗಿತ ದ್ವಿತೀಯ ಸ್ಥಾನ, ಮತ್ತು ತಟ್ಟೆ ಎಸೆತ ಪ್ರಥಮ ಸ್ಥಾನ ಪಡೆದು ಅಥ್ಲೆಟಿಕ್ಸ್ ವಿಭಾಗದಲ್ಲಿ ಆಯ್ಕೆಯಾಗಿರುತ್ತಾನೆ.! ಹಾಗೂ ಬಾಲಕಿಯರ ಕಬಡ್ಡಿ ತಂಡ ಪ್ರಥಮ ಸ್ಥಾನ ಪಡೆದು ಜಿಲ್ಲಾ ಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ..

ಹೌದು ಪಠ್ಯ ಹಾಗೂ ಪಠ್ಯೇತರ  ಚಟುವಟಿಕೆಗಳಲ್ಲಿ ಮಕ್ಕಳನ್ನು ಉರಿದುಂಬಿಸಿ ಮುಂದಿನ ವಿಭಾಗಕ್ಕೆಅಥವಾ ಹಂತಕ್ಕೆ ಸಜ್ಜುಗೊಳಿಸುವುದು ಪೋಷಕರ ಹಾಗೂ ಶಿಕ್ಷಕರ ಆದ್ಯ ಕರ್ತವ್ಯ...!ಅದರಂತೆ ಮಕ್ಕಳು ಸಹ ಸೂಕ್ತ ಮಾರ್ಗದರ್ಶನ ಹಾಗೂ ಊರಿನವರ, ಹಳೆ ವಿದ್ಯಾರ್ಥಿಗಳ ಸಹಕಾರ ಸಲಹೆಯ ಗರಡಿಯಲ್ಲಿ ಅತೀ ಉತ್ತಮ ಪ್ರದರ್ಶನ ತೋರಿದ್ದು ಹಾಗೂ ರಾಜ್ಯ ಹಾಗೂ ದೇಶಿಯ ಮಟ್ಟದಲ್ಲಿ ಅತೀ ಉತ್ತಮ ಸಾಧನೆ ಮಾಡಲಿ ಎಂಬುದು ಊರಿನ ಹಾಗೂ ಶಿಕ್ಷಕರ ಮಹದಾಸೆಯಾಗಿದೆ..!!!

ಗ್ರಾಮೀಣ ಭಾಗದ ಶಾಲೆ ಹಾಗೂ ಸೂಕ್ತ ದೈಹಿಕ ಶಿಕ್ಷಕರಿಲ್ಲದಿದ್ದರೂ ಸಹ ಶಾಲಾ ಮಕ್ಕಳ ಸಾಧನೆ ಗಮನಾರ್ಹವಾಗಿದ್ದು!!ಹಾಗೂ ಈ ಸಾಧನೆಗೆ ಬೆನ್ನೆಲುಬಾಗಿದ್ದು ಮಾರ್ಗದರ್ಶಕರಾಗಿದ್ದು ಇದೆ ಶಾಲೆಯ ಹಳೆ ವಿದ್ಯಾರ್ಥಿಗಳು. ಶರತ್, ಯತೀರಾಜ್, ಕೊಲ್ಲೂರಪ್ಪ, ರಾಘು ಹಾಗೂ ಎಸ್ ಡಿ ಎಂ ಸಿ ಅಧ್ಯಕ್ಷರಾದ ರಾಘವೇಂದ್ರ ಮತ್ತು ಸದಸ್ಯರ ಬಳಗ.....

ಮುಖ್ಯೋಪಾಧ್ಯಾಯರಾದ ಶ್ರೀಮತಿ ಭಾರತಿ ಪ್ರಕಾಶ್, ಮತ್ತು ಸಹ ಶಿಕ್ಷಕರುಗಳಾದ ಚಂದ್ರಶೇಖರ, ಪರಮೇಶ್ವರಪ್ಪ, ಅನಿತಾ, ಅತಿಥಿ ಶಿಕ್ಷಕಿಯರಾದ ಕುಮಾರಿ ವಿದ್ಯಾ ಎಚ್. ಎನ್. ಕುಮಾರಿ ಭೂಮಿಕಾ.

ವರದಿ : ಅಜಿತ್ ಗೌಡ ಬಡೇನಕೊಪ್ಪ